Kino gikorwa cy’ingenzi cyahuje abarimu n’abayobozi bibigo by’amashuli, mu rwego rwo kwizihiza Umunsi Mpuzamahanga wahariwe Umwarimu, ku rwego rw’Umurenge wa Cyuve, N’umunsi uri kugaragaza umunezero, ubumwe n’ishema ryo kwigisha, aho buri mwarimu yibukijwe agaciro gakomeye abafite mu kubaka ejo hazaza h’igihugu.

Uyu muhango watangijwe namagambo y’ishimwe ,umurava, ubwitange n’umusanzu w’abarimu mu gutanga ubumenyi bunoze bwubaka ibikorwa remezo by’iterambere rirambye. Byagarutsweho ko umwarimu ari we musingi w’ubwenge n’amahugurwa aganisha ku iterambere ry’umuryango nyarwanda.

Mu butumwa bwatanzwe, hanashimangiwe ko gutanga uburezi bufite ireme bisaba ubufatanye n’ubushake bwa buri wese, cyane cyane mu gihe isi igezweho isaba ubumenyi buhanitse n’ubushobozi bushya. Ubuyobozi bwashimiye abarimu uruhare rukomeye bagira mu kwiteza imbere, mu kwihugura no mu gukomeza kuba intangarugero mu myitwarire no mu murimo wabo wa buri munsi.

Abarimu bitabiriye ibirori bagaragaje ibyishimo n’ishimwe ku Bigo bya mashuri byose, ndetse nubuyobozi bwu Murenge wa Cyuve, kubera uburyo babahaye agaciro bagatangiza umunsi wabo mu buryo burimo icyubahiro n’isuku y’imitegurire. Hanagarutswe ku kamaro ko gukorera hamwe, gusangizanya ubumenyi no kuzamurana mu bushobozi, kugira ngo uburezi butangwa bukomeze kuba indashyikirwa.