Kuri uyu wa Kane, tariki ya 09 Nyakanga 2026, muri Muhabura Integrated Polytechnic College (MIPC) habaye imikino ya siporo yahuje abakozi bo mu byiciro bitandukanye birimo Supporting Staff, Teaching Staff, ndetse na Administration. Iyi mikino yari igamije guteza imbere ubuzima bwiza, gukomeza ubumwe no guteza imbere ubufatanye hagati y’abakozi.

Abitabiriye iyi mikino bagabanyijwe mu makipe abiri, ari yo Team A na Team B, maze bahatana mu mikino ibiri ari yo Volleyball na Football.

Mu mukino wa Volleyball, Team B yitwaye neza itsinda Team A amaseti yose, bityo yegukana intsinzi y’uwo mukino.

Mu mukino wa Football, habaye ishyaka n’ihangana rikomeye hagati y’amakipe yombi. Nyuma y’umukino urimo guhangana kugeza ku munota wa nyuma, Team A yegukanye intsinzi itsinze Team B ibitego 5 kuri 4.

Iyi mikino yaranzwe n’umwuka mwiza, ishyaka, ubufatanye ndetse n’ubusabane hagati y’abakozi, bigaragaza akamaro ka siporo mu kubaka umuryango w’ikigo uharanira ubuzima bwiza n’imikoranire myiza.

Mu ijambo yagejeje ku bitabiriye iyi gahunda, Umuyobozi wa MIPC, Mr. Innocent MANZI, PMP, yashimiye abakozi bose bitabiriye iyi mikino ku bw’umuhate n’ubwitange bagaragaje. Yanashishikarije abandi bakozi kujya bitabira ibikorwa bya siporo kuko bifasha kwirinda indwara nyinshi, guteza imbere ubuzima bwiza no kongera imbaraga mu kazi ka buri munsi.

MIPC ikomeje gushyira imbere gahunda ziteza imbere imibereho myiza y’abakozi binyuze mu bikorwa bya siporo n’ubusabane, mu rwego rwo kubaka ikigo gifite abakozi bafite ubuzima bwiza kandi bakorera hamwe mu bwumvikane.